رواية جبروت انثي وسطوة رجل الفصل الثالث والثلاثون 33 بقلم الاء الرحمن
33
عند سامي بعد عن مروى وهو حاسس انه امتلك العالم كل بين ايديه
سامي قرب منها وهي مصدومة من الي حصل :لو تعرفي فرحتي فيكي النهاردة كنتي قربتيلي من زمان
مروى دموعها كانت بتنزل بصمت
سامي مسح على شعرها بحنية وعشق :انا بعشقك يا مروى بعشقك ما تندميش على الفرصة دي اقسم بالله اني تعبت على ما حصلت عليها
مروى بصتله بدموع ولفة الملاية عليها وجريت للحمام
وسامي بيبصلها بابتسامة
مروى قفلت الباب وراها بسرعة
وفجاءة طلع صوت صرااخ من داخل الحمام
سامي لبس بنطلون بسرعة وجري للحمام وخبط جامد
مروى مروى انت بخير مروى افتحي
وحاول يفتح الباب مقدرش
خبطه بكل قوته اتفتح
شافها قدامه منهاره وبتعيط جااامد وايديها بتنزف دم من خبطها للمراية بايدها قلبه اتفزع من منظرها
سامي جه يقرب منها بخوف :مروى حبيبتي انتي بخير انا اسف والله اسف
مروى بصراخ جاامد وانهيار هستيري :اطلع بىه بىه بره مش عايزة اشوفك بكرهك بكرهك بكرهك
ااااه ابعد عني مش عايزاك
سامي استغل فرصة انهيارها وقرب منها مسكها جامد وحضنها لدرجة انه دخلها بين ضلوعه :اششش اهدي اهدي والي عايزاه هيحصل
سامي حس انها فقدت الوعي
حملها بسرعة وحطها على السرير
ومسح الدم عن ايديها وجاب البيرفن بتااعه وقربه منها فتحت عينيها وهي مشمئزة من الريحة
ad
سامي بقلق :خوفتيني عليكي يا مروى
مروى دموعها نزلت بصمت
سامي :مروى الي عملناه من حقنا بعد السنين دي كلها ارحميني وارحمي قلبي يا مروى انا عملت حاجات كتير تخليني استحق الفرصة دي
جربي ووالله هتلاقي سامي مختلف تماما عن الي تعرفيه انا بعشقك بعشقك يا مروى انا بقيت مدمن لريحتك بحب قربك ريحيني وريحي روحك يا مروى ارجوكي ارجوكي ارحمينا
مروى بصتله بدموع :ليه ليه انا يحصل معايا كل ده عملتلك ايه على شان تعملةفيا ده كله
سامي بعد عنها بغضب :هتفضلي انانية كده لامتى هتفضلي مدمرة حياتي ومعلقة قلبي فيكي لامتى انتي الي ليه كده ليه كل اما احس اني قربت منك بتبعديني عنك من تاني
وبغضب وتهديد انا ما اجبرتكيش على حاجة هااه افتكري انه الي حصل من شوية كان برضاكي ومشاركاني فيه ما تحسسينيش اني اغتصبتك من تاني انا عشت سنين وانا بتعذب بسبب الي عملته معاكي زمان وحاسس بتأنيب الضمير على شانك
مش هعيد الي حصل من سنين على شان لحضة ضعف من حضرتك وتيجي ترمي اللوم عليا دلوقت
تعرفي الي اكتشفته دلوقت ايه انك بتحبيني ويمكن اكتر من حبي ليكي لكن جبروتك وقوتك وعنادك وكرامتك رافض يعترف انك حبيتيني انتي بتحبيني يا مروى بتحبيني والي حصلك ده لوقت اكبر دليل على كلامي
تقدري تقوليلي ليه ما اتجوزتيش بعد ما سبتك هاه مع اني سبتك على راحتك سنين طويلة قووي ليه ما اتجوزتيشقوليلي دلوقت لانك كرهتي الرجالة بسببي لا انا اقولك ليه لانك عشقتيني عشقتي قسوتي عليكي انتي بتحبيني يا مروى ولازم تقتنعي بالكلام ده على شان نعرف نعيش مع بعض
وسابها ودخل الحمام ياخد شاور يهدي اعصابه
مروى حطت ايديها على وشها وعيطت جامد وكأنه رماها بحجارة حقيقة صحت حاجات بتحاول تنكرها من زماان قوي
..................................................
في الصباح
فاقت نور وبصت حواليها
ما كانش ادهم موجود نور قامت ودخلت الحمام ما كانش موجود شافت التراس برضه مش فيه استغربت لاول مرة من يوم جوازهم يخرج من غير ما يفوقها او يكلمها
نور خدت شاور ولبست فستان اسود قصير مفتوح الظهر باكمام طويلة
وجزمة سودا وفردة شعرها الجميل
عدت على ندى الاول
كانت ندى فايقة وبتلبس
نور :صباح الخير عاملة ايه النهاردة
ad
ندى خدت نفس عمييق :احسسسن كتير قووي
نور بصتلها بابتسامة من تغييرها : رايحة فين
ندى قربت منها وحضنتها :انا بحبك اوي يا نور ربنا ما يحرمني منك ابدا كلامك امبارح فوقني انا بجد من اول يوم عرفت فيه ادم وانا لغيت نفسي على شانه وفعلا انا الي كنت عماله انفخ فيه لحد ما فرقع بوشي لكن انا من النهاردة هوعدك اني مش هخلي حد يتحكم فيا
نور حضنتها بحنية :كويس قووي يا حبيبتي خدي بالك من روحك ومن الي ببطنك
ندى باستها على خدها :انا بحبك اووي وحطت ايدها على بطنها وابني بيحب خالتوا اووي
نور :ههههه يالله يا لمضة هوصلك قبل ما اروح الشركة
ندى :قشطة يا عسل
نور :ايوه كده ارجعي ندى الغلسة الي اعرفها
ندى:هههه ده انا راجعة وبقوة وحياتك
نزلت نور ومعاها ندى
كان سامي قاعد على السفرة وشارد ومفيش حد غيره
نور/ندى :صباح الخير يا جدي
سامي بشرود :صباح النور
ندى :جدي انت كويس
سامي : مفيش انا كويس
نور باستغراب :اماال خالتوا فين
سامي : لسه نايمة محدش يزعجها دلوقت خليها على راحتها
نور بعدم اقتناع :اهاا
ندى :امال ليه مفيش حد بالقصر
سامي :ادهم وادم راحوا المشفى لوالدتهم هيجيبوها
ويجوا ومالك وليا خرجوا يفطروا بره
نور :اها طيب انا هروح الشركة يالله يا ندى
خرجوا وسامي لسه على وضعه شارد وحزين جدا
.........................................
عند ادهم
فريدة بدموع :يعني انا مش هقدر امشي من تاني
ادهم باس دماغها :فترة مؤقتة يا امي وان شاء الله هتخفي
ادم :احنا معاكي يا ماما وانتي هتداومي على العلاج وهتبقي كويسة
كامل بتأفف :الدكتور كتبلك على خروج مش يالله
ادهم بص حواليه :امال سلمى فين ما شفتهاش من اول ما جيت
فريدة بكذب :كارما كانت تعبانة وراحتلها الصبح
كامل :ههههههه كارما تعبانة وما جتش تتعب غير على تعبك ولا مش قادرة تعترفي لنفسك انه بنت اختك سابتك في عجزك وهربت
فريدة عيطت جامد :لا اختي وبنتها ما يسيبونيش
ادهم :مش وقته يا بابا
ادهم حمل والدته وخدها القصر
ad
............................................................
كارما بغضب :انتي اتجننتي يا بنت الهبلة ازاي تعملي كده ده الوقت الي اصلا لازم تبيني لادهم ولائك فيه مراته حبيبته ما بتحبش امه ومش هتهتم فيها خالص وانتي الي هتاكلي الجو يا غبية والكل يشوفك الحنينة وهي العقربة
سلمى :تصدقي ما جاتش في بالي دي
كارما :غبية جدا بصي انا هلبس دلوقت ونروحلها البيت نقوم فيها بمرضها احنا مش عايزين نخسر فريدة انتي شايفة هي الي بتصرف علينا من ورى جوزها وعيالها وهي الي مشغلة ابوكي ما ينفعش نخسرها دلوقت دي الجاجة الي بتبيض الدهب بالنسبالنا
سلمى بغيظ :ما جاش في دماغي ده كله كل الي جه في دماغي اني اقوم بقرفها وانتي عارفة اني ما بستحملش
كارما :بلاش عبط كلها فترة وتعدي انا هقوم البس ونروحلها
.........................................................
عند مازن
فاق كان جسمه متشنج من النوم على الكنبة
عدل نفسه بتعب مع ضرب فونه
مازن :الوو اهلا يا ادهم
ادهم :مازن انا مش جاي الشركة النهاردة ماما تعبانة
مازن :ليه خير في ايه
ادهم :وقعت عن السلم بعد ما مشيتوا امبارح وجالها شلل مؤقت في ضهرها
مازن :يا ساتر يا رب الف سلامة عليها
ادهم :الله يسلمك لكن خد بالك من الشركة النهاردة اوك
مازن :وشركة نور والتصاميم
ادهم :اتصرف اجل المعاد مش وقته ده
مازن :طيب تمام
قفل معاه وبص لاوضة سيرين وفرك ايديه بحماس :يا مسهل يا رب
مازن خرج مفاتيح من جيبه وفتح الباب
كانت سيرين نايمة وشعرها جنبها مفرود
مازن قرب منها يتأملها بعشق متيم
مازن مسح على شعرها :انا اسف انا غبي انا حمار ضيعتك من ايدي يا سيري لكن اوعدك هرجع قلبك ليا من تاني
باسها على دماغها ومشي
سيرين فتحت عينيها بعد ما خرج ودموعها نزلت وقامت عدلت نفسها وفضلت شاردة فترة ودموعها بتنزل بصمت وهي بتفتكر كل لحظة بينها وبينه في البيت ده
فلااااش باااك
مازن بتعب :سيري انا مش قادر تعالي حاسس اني بموت
سيرين بدموع :ما اقدرش يا حبيبي انا مش عارفة اعملك ايه ارجوك كلم ادهم ياخدك للدكتور جدي مستحيل يسمحلي اخرج دلوقت
مازن :اااااه ارجوكي
ad
سيرين ضربت بتهديدات جدها عرض الحائط وراحتله بالخفى من وراهم في نص الليل
فتحت باب البيت ودخلت واتصدمت من الي شافته
البيت كله ورد احمر وشموع واسمها في كل حتة
سيرين بصتله بصدمة :في ايه انت كويس
مازن قرب منها بحب :كل سنة وانتي طيبة
سيرين اتصدمت وافتكرت انه النهاردة عيد ميلادها الي ناسياه اصلا ومحدش افتكره ولا حتى والدتها غير مازن
سيرين عيطت جامد وحضنته :انا بحبك بحبك يا مازن
مازن بعدها عنه ومسح دموعها :عايز الفرحة وبس في عينيكي مش عايز دموع وقبلها بعشق وبلهفة
باااااااااااااااااك
سيرين مسحت دموعها :ليه ليه عملت فيا كده يا مازن انا بعشقك انا كبرت على حبك وعشقك ليه
........................................................
عند نور
دخلت الشركة
كان داني موجود
نور بابتسامة :حمدلله على السلامة يا بوص
داني :ههههه كله بفضلك بعد ربنا شكرا يا نور واسف جدا لو عملتلك مشكله مع ادهم
نور :انسى انت اهم حاجة كويس
داني :كويس جدا
نور :طيب عندنا ايه النهاردة
داني :المفروض عندنا اجتماع مع شركة ادهم على شان التصاميم الجديدة وتوقيعها
وعندنا عشاء عمل مه الاناقة جروب وحجزت في مطاعم ....
نور :اها كويس اووي كلمت مازن او ادم وقولتلهم عن الاجتماع
داني :كلمتهم على الشركة وقالتلي السكرتيرة محدش جه لدلوقت
نور باستغراب :غريبة يعني
نور مسكت موبايلها وبصت لداني :لو سمحت يا داني وصيلنا اتنين قهوة سادة
نور ضربت لادهم الي كان مع والدته في الاوضة بتاعتها
ادهم بص للفون وما ردش
ادم باستغراب :انت كويس
ادهم ببرود :كويس
نور ضربت على الشركة على مكتب ادهم رد مازن
نور :الووو
مازن :اهلا يا نور عاملة ايه
نور :انا كويسة ادهم فين
مازن :هو مش هيجي الشركة النهاردة على شان والدته وبعد اذنك لو نأجل الاجتماع
نور :اها طيب تمام نأجله لبكره الساعة اتنين
ad
مازن :تمام قوي سلام
نور قفلت معاه وشردت مش عارفة تعمل ايه مع ادهم مش عارفة مين الغلط هي ولا هو
.............................................
عند مروى
فاقت ومسحت دموعها وقامت بكل جبروتها وقوتها خدت شاور وكأن شيئا لم يكن
ولبست عباية بيضاء تجنن على بشرتها الحليبية
دخل سامي اوضته واتصدم لما شافها على طبيعتها
سامي :صباح الخير
مروى لفتله وابتسمت :صباح النور
سامي بص حواليه :دي ليه انا
مروى ضحكت :ههههه ايه هي
سامي بصدمة اكبر :مروى انتي كويسة انتي بتضحكي ومع مين معايا
مروى قربت منها وعدلت ياقة قميصة وبصت غي عينيه : انا اكتشفت اني بحبك
سامي بصلها بغموض وعدم اقتناع : والمفروض اني اصدق التغيير الكلي ده
مروى وهي بتلعب بدقنه :ما تتصدمش انت معاك حق بكل الي قولته مبارح انا هدي علاقتنا فرصة يا سامي
سامي وهو بيلمس بشرتها بحنية وعشق :بتتكلمي جد ما تدينيش امل عالفاضي يا مروى انا بعشقك
مروى قربت منه وحطت دماغها على صدره ودماغها فيها مليون حاجة
................................................................
عند ادهم وادم
نزلوا الصالة بعد ما نامت والدتهم
سامي ومروى كانوا قاعدين
ادهم وايديه بجيبه بص لمروى ببرود :ليه عملتي كده في امي
مروى ببرود مماثل :ايه دي كدبة جديدة من والدتك
ادم بغضب :ماما قالت انه انتي الي زقيتبها عن السلم
كامل بغيظ وهمس :اه لو غارت في داهية
سامي :مروى ما عملتش حاجة انا كنت واقف مامتك اتزحلقت ووقعت لوحدها
ادهم :ليه كاميرات امبارح متفرغة ومش موجودة
سامي :لانه تمبارح نهاية اسبوع والاشرطة بتتبدل طبيعي
ادهم :اهاا وبص لمروى لو اكتشفت انه انتي الي عملتي كده اقسملك مش هيحصل طيب يا مروى
سامي بغضب :ما تحترم نفسك يله انت بتكلمها كده قدامي
ادهم وهو بيجز على سنانه :كنت مثال ليا في القوة والكمال لكن من لما دخلت حياتك الست دي وانت ما بقتش انت وبصله بغضب يلعن ابو الحب الي يذل
مروى بسخرية :للي يفتكر انه ذل الحب قوة مش العكس
ad
...................................................
في المساء
دخلت نور :مساء الخير
مروى :مساء الورد يا حبيبتي
نور :امال القصر فاضي كده ليه
مروى :ندى جت وطلعت اوضتها وادم بره وعمك زيه وفريدة في اوضتها مع اختها العقربة
نور بتردد :وادهم
مروى باستغراب :في اوضته
نور :اهاا
طلعت اوضتها ودخلت فضل ادهم على وضعه بيشتغل وما اداش اي رد فعل لدخولها
نور 🤨:مساء الخير
ادهم من غير ما يبصلها كمل شغل :اهلا
نور دخلت بدلت هدومها كانت عندها عشاء عمل
ضربلها داني
نور :ايوه يا داني
هنا حواس ادهم كلها اتشنجت وجز على سنانه
داني :ربع ساعة وهكون عندك
نور :اوك يا داني ربع ساعة ونازله
نور قفلت معاه وسرحت شعرها
ادهم بصلها بغضب كانت لابسة فستان ابيض قصير بحمالات عريضة مبين جمال وسطها ورافعة شعرها ذيل حصان مبين عنقها الطويل الجميل ولابسة جزمة حمرا
ادهم وقف قدامها وايديه في جيبه ببرود :رايحة فين بقميص النوم ده
نور بتجلهل مماثل لتجاهله ليها :عندي عشاء عمل لصفقة جديدة
ادهم رجع لمكانه ومسك الاب توب بتاعة ببرود :مفيش خروج دلوقت
نور بصتله بسخرية واستهزاء من كلامه وخدت شنطتها ولسه هتخرج لقته بيشد على دراعها بعنف ونظرات النار شاعلة جواهم
ادهم :اضن سمعتي انا قولت ايه مفيش خروج دلوقت
نور نزعت ايدها منه بغضب :ده شغل فاهم شغلي ونجاحي انا
ادهم ببرود :وانا قولت كلمة مفيش خروج دلوقت
نور :يعني ايه
ادهم :سهلة مفيش خروج ولو على العشاء اضن داني مندوب عن حضرتك في الحاجات دي
نور بغضب :ادهم ما تتجننش انا جبت اخري منك بقيت بتخنقني بجد
ادهم شد شعرها بغضب :انا الي جبت اخري منكومن جبروتك ومن قوتك الفايضة دي
انا الي جبت اخري من الا مبالاة بتاعتك
انا الي جبت اخري من اني ابقى دايما المضحي والي بيحب وبيتنازلك دايما
وبصلها ببرود وكأنه عمره ما حبها ولا عشقها انا الي بقيت بقرف من ام العلاقة الي مفيهاش كرامة دي
وبتهديد من هنا وجي الي اقوله انا هو الي هيتفذ فاهمة
عاوزة تشتغلي اوك
لكن اول حاجة ترجعي قبلي البيت
وداني ده تغيريه تبدليه مش عايز اشوف وش امه معاكي
امي تحترميها غصب عنك فاهمة وتنزلي دلوقت وتتطمني عليها
نور بغضب :انت ليه دايما مش واثق بنفسك كده ايه الي مجننك من داني ولا بيحسسك دايما بنقص موجود عندك ولا ايه
ليه ما بتثقش انه انا الي اخترتك ولا يمكن في يوم ابص لغيرك هاه ما تسترجل شوية وتخلي عندك ثقة بنفسك اكتر من كده انت كده بتخنقني بتكرهني فيك ما تفهم فين الحب الي وهمتني فيه فين الاهتمام
طبعا كان ادهم في اشد حالات غضبه منها وعينيه بتطلع شرار وكأنه جهنم جواها
ادهم رفع ايده هيضربها
ونور غمضت عينيها وبعدت عنها
لكن ادهم شد على ايده بغضب جامد
نور كانت منتضره الألم بتاعه لكن عدا الوقت فتحت عينيها وهو بيبصلها بغضب جامد وبيتنفس بسرعة وكأنه كان بيجري بسرعة كبيرة :انتي طالق
